حوار مع وزير الصحة المغربي

ـ مدونة خربـشات مواطن أمي-
تنفرد بحوار
مع
وزير الصحة المغربي محمد الشيخ بيد الله
بيد الله: واخا يقولو 26 انا نقول 12 و لو طارت معزة

في مكتبه الفخم المبهر الدي اعتقدت في البداية انه منزله,استقبلني سيادته,وكان يحمل في يده كوبا من الشاي المغربي يتطاير منه البخار..فاصطنع ابتسامة صفراء اول ما راني..ورحب بي قائلا "تفضل اولدي اجلس"
شكرا معالي الوزير على تخصيصكم لجزء من وقتكم الغالي لاجراء هده المقابلة مع سيادتكم
ماشي مشكل..ماشي مشكل..احنا تانبغيو نشجعو الشباب..المهم طلق راسك وادخل ف الموضوع راه باقي تابعني اجتماع مهم
كسؤال اول معالي الوزير بيد الله لمادا في نظرك و مند تربعكم على عرش هده الوزارة اصبحت صحتنا نحن المغاربة بيد الله ؟
واش من عيب ايلا كانت صحة المواطنين بيد الله..ياك تنقولوا دايما الاعمار بيد الله
بالفعل معالي الوزير و الدليل ان الاعمار صارت بيد الله وفاة اطفال نتيجة البرد القارس مؤخرا..نريد ان نعرف رايك بالموضوع ؟
اسيدي هادي مسالة عادية و كتحدث دايما..البرد قوة طبيعية واحنا ما عندنا ما نديرو..اللي وصل اجلو راه تيموت..ونزيدك بعدا باش ما تقولش را حنا ما خدامينش..راه وفرنا لساكنة "انفكو" جوج ديال غسالين الاموات..وفقيه محلف
راكم قايمين بالواجب ديالكم بعدا..راه نيت الصحة بالمغرب ولاو شادينها غير المشعودين نظرا لغلاء كلفة العلاج..اشنو رايك في هاد شي معالي لوزير ؟
لا اولدي لا..ما تقولش عليهم مشعودين..هدوك راهم شرفا ديالنا..واعوان ديال وزارة الصحة وقريب غادين يوليو حتى هما تابعين لوزارة الصحة بحالهم بحال هاد المشعودين العصريين اللي تابعين لينا دابا..
السيد الوزير هناك مواطن بسيط لما علم اني سوف اجري هدا الحوار معك حملني هدا السؤال اليك: تدعون مجانية العلاج بالمغرب لكن ماذا عن الرسوم الغير المباشرة التي يجبر المواطن المغربي المغلوب على أمره أدائها لحارس المستشفى، ولممرض المستعجلات وللساهر على طابور الانتظار وللممرض أو الممرضة المكلفة بإدخالك لترى الطبيب، وللقائمين على تتبع العلاج
هداك غي الفتوح ا ولدي و هي عادة قديمة عند المغاربة..ايلا ما عطيتيش الفتوح ما عمرك تبرى و لا تشافى..و قول التسليم
ادا معالي الوزير انت مرتاح الضمير لمثل هاته المعاملات السيئة التي يلاقيها ضيوف ذنبهم أنهم يبحثون عن خدمات صحية في المستوى تراعي على الأقل الحد الأدنى من الكرامة كرامة الانسان ؟
شوف اولدي. اش قلتي سميتك !!! -اجبته بلطف - سميتني رفيق الدرب..شوف اولدي رفيق الدرب..انا مرتاح الضمير..(يواصل بنرفزة) واللي ماعجباتوش هاد المعاملة..را القطاع الخاص الموازي موجود..عندكم الاولياء و الاضرحة و الفقها و العطارين و المعشبات..احنا ما عندنا ما نديرو ليكم..بزاااااااااف علينا..نتوما وليتيو كتمرضو بزاف..عيقتوا كاع
سيد الوزير دعنا نعود للحديث حول موضوع الساعة و الدي يخص وفاة اطفال نتيجة البرد القارس بمنطقة انفكو بخنيفرا..معالي الوزير وزارتكم تقول انا عدد الاطفال الدين قضوا لا يتعدى 12 طفل في حين ان فيلم فيديو قام بتصويره احد المدونين المغاربة يؤكد ان عدد الدين قضو هو 26 طفل و ليس 12
12 ا سي رفيق الدرب..واخا يقولو 26 انا نقول 12 و لو طارت معزة..احنا حسبناهم بيدينا..وحسباتهم للا دوزيم معانا
انا (مقاطعا له)و لكن معالي الوزير المدون الزينبي...
اش من مدون ولا مدونة..انا بعدا كنعرف غير "مدونة التغطية الصحية الأساسية"..
ما علينا سيد الوزير..ودعني اسالك سؤالا مرتبطا بمدونتك هاته و التي تنص ديباجتها « ضمان المساواة وتحقيق الإنصاف بالنسبة لجميع السكان في مجال الاستفادة من الخدمات الطبية يمثل إحدى أولويات الدولة في مجال الصحة». إنها جملة جميلة لكن الا ترى معي معالي الوزير انها تناقض الواقع البشع ؟
انت او لدي باقي صغييييييير و باين لي فيك نية بزااااااف..واش كتيق بهاد الهدرة اللي ف لوراقي..احنا ا ولدي راه بغيناهم يمرضوا ماشي يصحوا ..فبما أن الصحة ليست هي التي تدر الأرباح بل المرض، فلا فائدة من الوقاية في منطق الربح.
سيد الوزير لا تمثل النفقات الصحية بالمغرب سوى 4.5% من الناتج الداخلي الخام ( وهي في تونس 5.6% ، وفي إيران 5.8% وفي الأردن 9.4% وفي لبنان 9.8% ). ويعتبر المغرب من البلدان الأكثر تأخرا في مجال الحماية الاجتماعية والصحة حتى على مستوى المغرب العربي..ما رايك معالي الوزير?
عليكم بالصبر ههههههههه
بعد حسم أمر تملص ا لدولة ينطرح السؤال :كيف يمكن خوصصة الصحة في مجتمع قاعدته العريضة فقيرة ؟
الحل سهل و هو توحيدهم في صندوق جماعي ليؤدوا نيابة عن بعضهم البعض: يُقتطع من الأجور كافة لمواجهة نفقات النسبة المريضة : إنها تقنية التأمين..ولا كيف تيديروا العيالات ف الحومة (تقنية دارت) سير سول مك راها كتعرفها ههههههه
وبما أن الدولة تمول ما ستبيع من خدمات صحية بواسطة ما تجبيه من ضرائب فان المواطن ضحية الإفقار يكون قد أدى مرتين: الأولى بواسطة ما دفعه من ضرائب ( ثلثي محصول الضريبة غير مباشر أي تتحمله الفئات الشعبية أساسا)، والثانية من خلال اقتطاعات التأمين من الأجور.يااااك ?
اااااااااااييييييييييييييه..وها انت بديتي كتفهم..ولكن بان لي راسك سخون شوية
السيد الوزير فاش ماتوا هادوك الاطفال ديال انفكو سمعتك كتشرح ف البرلمان كيفاش كتصاب القصبات الهوائية بالتهاب نتيجة البرد بحال شي دكتور ديال الامراض الصدرية..مع اننا كلنا تنعرفوا انك طبيب سابق مختص بالجهاز الهضمي و امراض المعدة
ما تهضماتش ليك هادي ياك..هههههه واسيدي..انا غير قريت ما كتبوا لي..حتى هاد انفكوا اللي كتهدر عليها ما عرفهاش فين جات انا كاع..ولكن تنواعدك بانه من هنا للصيف الجاي غادي تختفي ظاهرة الموت نتيجة البرد
حيث غادي يكون الصهد و الجو سخون معالي الوزير يعني شيء بديهي انه غادي تختفي ظاهرة الموت نتيجة البرد و لكن انا متاكد معالي الوزير اننا غادين نشوفو بالصيف موت نتيجة الكوليرا والتفويد وسوء التغدية و تلوث المياه..وهي امراض سيد الوزير ما بقيناش تنسمعوا بها حتى ف جيبوتي وانقرضت هادي عامين ف نيجيريا..اش كتقول فهاد شي
ما تخافش ا سي رفيق الدرب انشاء الله تنواعدك غادي نحاول ننسق مع الزملاء بجيبوتي و نيجيريا و نحاولو نستافدو من الخبرة ديالهم في التعامل و القضاء على هاد الامراض اللي دكرتي
ف النهاية تنشرك سيد الوزير على استقبالي بمكتبك الرفيع و على سعة ورحابة صدرك و خفة دمك...وعلى دكر خفة الدم واش ما عندكش شي نكتة تعاودها لي و نختموا بها هاد الحوار الدافئ
هههههههه راه الصحة بالمغرب اكبر نكتة..واش كاين من غيرها
بالفعل معالي الوزير كثرة الهم كتضحك..شكرا لك مرة اخرى واللهم هدا منكر
خود ليك شي كاس ديال اتاي قبل ما تمشي راه باقي محلي
شكرا ليك..راه دمي اللي ولا محلي دابا

هدا الحوار افتراضي فقط... ولكن يمكن ان نسميه شبه حقيقي..ادا اردنا
حاوره / رفيق الدرب